आफ्नै प्यारो गाउँ छोडी बाँच्ने रहर कसलाई छ र ?
एक्लै हुँदा पीडामा नी हाँस्ने रहर कसलाई छ र ? ?

दोहोरी भाका गाउँथे म झ्यारे तालमै रमाउथे,
एक्लै एक्लै शुन्यू मञ्चमा नाँच्ने रहर कसलाई छ र ?

हजार आँशु पिउनै पर्ने यर्थात मा जीउनै पर्ने,
दुःख सँगै नाता साईनो गाँस्ने रहर कसलाई छ र ?

अधुरा हुदै सपनाहरु एका एक सुस्ताई जाँदा,
आफ्नै मनका आस्थाहरु भाँच्ने रहर कसालाई छ र ?

मुटूभरी माया राखी भेट्ने रहर मनमा पाली,
आशाका ति त्यान्द्राहरु साँच्ने रहर कसलाई छ र ?

गजलकार
गुल्मी हाडहाडे
Now in Dubai, United Arab Emirates